DIPLOMLY — Deadline Sprint | Grant omad emas, strategiya

Men kim bo'laman

Real tajriba asosida bosilgan yo'l.

Jizzax viloyatidagi kichik qishloqda o'sdim. Xorijda tanishim yo'q edi, maslahatchim yo'q edi. Prezident maktabiga imtihon orqali kirdim.

Keyin O'zbekiston Respublikasi Prezidenti huzuridagi Istiqbolli kadrlarni tayyorlash bo'yicha «El-yurt umidi» jamg'armasining grantini yutdim va AQSHdagi nufuzli universitetlarga qabul qilindim.

Hozir Purdue universitetida o'qiyapman — American Caldwell reytingiga ko'ra, uch yildan beri AQSHning eng tanilgan davlat universiteti. Ariza, esse, moliyaviy yordam hujjatlari: hammasini o'zim to'ldirdim. Qaysi joyda odamlar yiqilishini bilaman, chunki o'sha xatolarni o'zim qilganman.

Jizzax, qishloq

Oddiy boshlanish. Hech qanday aloqa yoki imtiyoz yo'q.

Prezident maktabi

Imtihon orqali. Xalqaro ta'lim standardlari.

«El-yurt umidi» granti

Hujjatlar, muddatlar, tanlov — hammasi mustaqil.

AQSH universitetlari

O'nlab qabul xatlari. Ulardan eng ma'qulini tanladim.

Purdue University

Hozir shu yerda o'qiyapman.

Asosiy dasturimiz

Deadline Sprint — bu yil topshirayotganlar uchun

Agar siz 12-sinfda bo'lsangiz yoki bu yil topshirmoqchi bo'lsangiz, sizda bir yil yo'q. Sizda taxminan 10 hafta bor. Deadline Sprint aynan shu holat uchun tuzilgan: 4 ta universitet, to'liq moliyaviy yordam hujjatlari bilan, muddatdan oldin topshiriladi.

Tezkor profil tahlili

Baholar, testlar, til darajasi va faoliyatingiz real qabul profillariga solishtiriladi. Birinchi haftada.

4 ta universitet ro'yxati

Reyting bo'yicha emas — xalqaro talabalarga qancha yordam berishi bo'yicha tanlanadi.

Grant xaritasi

Har bir universitetning moliyaviy yordam siyosati yozma tahlil qilinadi. Qaysi biri haqiqatan pul beradi.

Esse dasturi

1 ta asosiy esse va 4 tagacha qo'shimcha esse. Har biri 2 marta qayta ishlanadi.

Tavsiyanoma brieflari

O'qituvchilaringiz uchun tayyor yozma brief. Ikkinchi haftada beriladi — ularga vaqt kerak.

Hujjatlar tizimi

Transkript, tarjima, apostil — nazorat ro'yxati va muddatlar bilan. Bu joyda ko'pchilik kechikadi.

Moliyaviy yordam hujjatlari

CSS Profile va ISFAA bo'yicha to'liq yordam. Toshkentdagi aksariyat agentliklar bunga umuman tegmaydi.

Topshirish sessiyalari

Arizalar birga, ekran ochiq holda topshiriladi. Siz butun jarayonni ko'rasiz.

Intervyu tayyorgarligi

2 ta yozib olinadigan mashq intervyu va yozma tahlil.

Qaror kuni va apellyatsiya

Barcha takliflar solishtiriladi. Asos bo'lsa, universitetdan yordamni oshirishni rasmiy so'raymiz.

Kalendar

Bu sanalarni biz belgilamaymiz. Universitetlar belgilaydi.

Shuning uchun ular muzokara qilinmaydi. Ishni qachon boshlash kerakligi ham shundan kelib chiqadi.

20-sentabr

Noyabr muddati uchun oxirgi boshlash sanasi. Undan keyin bu yo'nalishga qabul qilmaymiz.

1-oktabr

CSS Profile — moliyaviy yordam tizimi ochiladi.

1-noyabr

AQSHda erta topshirish muddati.

10-noyabr

Yanvar muddati uchun oxirgi boshlash sanasi.

1–15 yanvar

AQSHda asosiy topshirish muddati.

Fevral

Intervyular.

Mart–aprel

Javoblar va moliyaviy yordam xatlari. Apellyatsiya vaqti.

Ochiq gap

Biz nima va'da qilmaymiz

Chet elga o'qishga yuboraman deb pul olib, keyin g'oyib bo'lgan kompaniyalarni hammamiz eshitganmiz. Shuning uchun biz nima va'da qilmasligimizni birinchi o'ringa qo'yamiz.

01«Grantni ta'minlaymiz»

02«Qabulni kafolatlaymiz»

03«100% natija»

04«Universitetda tanishimiz bor»

Qabulni hech kim kafolatlay olmaydi. Kafolat bergan odam yo qonunni buzayapti, yo sizni aldayapti. Qarorni universitet qabul qiladi. Biz jarayonni bajaramiz — va aynan jarayonni kafolatlaymiz.

Kafolatlarimiz

Natijani emas, ishni kafolatlaymiz.

Bularning har biri shartnomada yozma qayd etiladi.

Muddat kafolati

Har bir ariza universitet muddatidan kamida 72 soat oldin topshiriladi. Kechiksak, yakuniy to'lovni olmaymiz.

Ish kafolati

Dasturdagi har bir hujjat belgilangan sanada topshiriladi. Kechiksak, o'sha bosqich to'lovi qaytariladi.

Javob kafolati

Ish kunlarida savolingizga 24 soat ichida javob beriladi.

Rostgo'ylik kafolati

Agar maqsadingizga real yeta olmasligingizni ko'rsak, buni ochiq aytamiz va dastlabki tahlil to'lovini to'liq qaytaramiz.

Savollar

Ko'p beriladigan savollar

Nega faqat 4 ta universitet?

Chunki 10 haftada 8 ta universitetga sifatli ariza tayyorlab bo'lmaydi. Kim buni va'da qilsa — yo sifatni pasaytiradi, yo yolg'on aytadi. Kerak bo'lsa qo'shimcha universitet qo'shish mumkin, buni suhbatda ochiq gaplashamiz.

Kechikdikmi?

Hali yo'q. Lekin noyabr muddati uchun 20-sentabrgacha boshlash kerak, yanvar muddati uchun esa 10-noyabrgacha. Undan keyin men sizni qabul qilmayman — chunki ulgurmasligimni bilaman va buni oldindan aytaman.

Narxi qancha?

Narx profilingiz va yo'nalishingizga qarab belgilanadi, shuning uchun uni umumiy e'lon qilmaymiz. Bepul 20 daqiqalik suhbatda vaziyatingizni ko'rib chiqamiz va shundan keyin aniq raqamni aytamiz. Suhbatning o'zi bepul va unda hech narsa sotilmaydi.

Oilam ko'p pul sarflay olmaydi. Grant realmi?

AQSHdagi ba'zi universitetlar xalqaro talabalarga ehtiyoj asosida katta yordam beradi, ba'zilari esa umuman bermaydi. Farq juda katta va reytingda bu ko'rinmaydi. Butun ish shu ikkisini ajratishdan boshlanadi. Men ham pulsiz boshlaganman.

Siz yangi kompaniyasiz. Nega ishonishim kerak?

To'g'ri savol. Uchta javob: pulning katta qismi ish bajarilgandan keyin olinadi; barcha shartlar yozma shartnomada qayd etiladi; va men bu yo'lni Jizzaxdan o'zim bosib o'tganman. Bundan tashqari, biz sizga hech qanday natija va'da qilmaymiz — buni yuqorida ochiq yozganmiz.

O'zim qila olaman deb o'ylayman.

Ba'zilar haqiqatan qila oladi — men o'zim shunday qilganman. Agar suhbatda o'zingiz uddalay olishingizni ko'rsak, buni ochiq aytamiz va vaqtingizni olmaymiz.

Grant — omad emas, strategiya.